Uztextile Export tashqi savdo kompaniyasi Eronning Taaha Alyaf kompaniyasi bilan ip-kalava yetkazib berishga 1 million dollarlik shartnoma imzoladi. Bu haqda “O‘zto‘qimachiliksanoat” assotsiatsiyasi matbuot xizmati xabar berdi.
Hujjat Tehronda bo‘lib o‘tgan O‘zbekiston—Eron hukumatlararo komissiyasining navbatdagi yig‘ilishida imzolandi.
Shuningdek, Bekobodning “Falakdan najot” korxonasi ham Eronga tayyor tikuv-trikotaj buyumlarini eksport qilish bo‘yicha dastlabki kelishuvga erishdi.
Eronning Arsh Carpet kompaniyasi vakillari O‘zbekistonda gilam ishlab chiqarishni yo‘lga qo‘yish masalalarini muhokama qilish uchun may oyida Toshkentga kelishi rejalashtirildi.
Izoh (0)