Bugun, 11-aprel sanasida Yevropa Chempionlar Ligasining yana ikki yarim finalchisi nomi ma’lum bo‘ladi.
“Bavariya” — “Sevilya”
Ulardan biri Myunxenda “Bavariya” hamda “Sevilya” jamoalari o‘rtasida kechadi. Yupp Xaynkes shogirdlari dastlabki o‘yinda 2:1 hisobida g‘alaba qozongan edi. Bugun esa Montella shogirdlari kecha “Roma” bajargan ishni “Alyans Arena”da takrorlab ko‘rishga harakat qilsa ajab emas. Uchrashuv Toshkent vaqti bilan 23:45 da boshlanadi. Bellashuv UzReport telekanali tomonidan to‘g‘ridan to‘g‘ri efirda uzatiladi.Jamoalar uchrashuvni quyidagi tarkibda boshlaydi:
“Bavariya”: Ulrayx, Xummels, Boateng, Rafinya, Martines, Robben, Kimmix, Xames, Riberi, Levandovski, Myuller.
“Sevilya”: Soriya, Langle, Merkado, Eskudero, Navas, Banega, Nzonzi, Vaskes, Sarabiya, Korrea, Ben-Yedder.
Dastlabki uchrashuv 2:1
“Real Madrid” — “Yuventus”
Madridda “Real” Turinning “Yuventus” jamoasini qabul qiladi. Dastlabki uchrashuv Zidan shogirdlarining 3:0 hisobidagi yirik g‘alabasi bilan yakunlangan edi. “Yuventus” esa bugun o‘sha mag‘lubiyatni yo‘qqa chiqarish uchun maydonga tushadi. Ammo turinliklar safida bir nechta yo‘qotishlar bor. Jumladan, Paulo Dibala o‘tgan o‘yindagi olingan qizil kartochka sabab uchrashuvni o‘tkazib yuboradi. “Real” safida esa yig‘ilib qolgan sariq kartochkalar sabab, jamoa sardori Serxio Ramos maydonga tusha olmaydi. Uchrashuv 23:45 da boshlanadi. O‘yin Futbol-TV telekanali tomonidan to‘g‘ridan to‘g‘ri efir orqali translyatsiya qilinishi rejalashtirilgan.Jamoalar uchrashuvni quyidagi tarkibda boshlaydi:
“Real Madrid”: Navas, Varan, Marselo, Karvaxal, Valyexo, Isko, Kazemiro, Kroos, Modrich, Beyl, Ronaldu.
“Yuventus”: Buffon, Benatiya, Aleks Sandro, De Shilyo, Kyellini, Pyanich, Xedira, Matyuidi, Duglas Kosta, Manjukich, Iguain.
Dastlabki uchrashuv 3:0
Izoh (0)