Bugun, 11-aprel sanasida futbol bo‘yicha O‘zbekiston Superligasi bahslarining 6-turiga start berildi.
Kun taqvimidan uchta uchrashuv o‘rin olgandi. Ulardan ikkitasi o‘z nihoyasiga yetdi.
Jizzaxda “So‘g‘diyona” hamda Namanganning “Navbahor” jamoalari o‘rtasidagi uchrashuv mezbonlarning irodali g‘alabasi bilan yakunlandi. “Navbahor” 2 ta gol farqi bilan oldinda borib, yakunda o‘z darvozasidan 3 ta olib chiqdi va mag‘lub bo‘ldi. Shu tariqa yaqinda bosh murabbiylikka tayinlagan Sergey Lushchanning “So‘g‘diyona”dagi debyuti omadli chiqdi.
Ikkinchi o‘yin Toshkentda “Bunyodkor” va Bekobodning “Metallurg” jamoalari o‘rtasida kechdi. Bellashuv taqdiri ikkinchi bo‘limda hal etildi. Superliga karvonboshisi “Bunyodkor” mehmonlar darvozasini uch marta ishg‘ol qilgan bo‘lsa, “Metallurg” bunga faqat bitta gol bilan javob qaytara oldi. Shu tariqa Mirjalol Qosimov shogirdlari o‘z peshqadamligini yanada mustahkamlab oldi.
Ayni damda turning markaziy uchrashuvi Qarshida “Nasaf” hamda “Lokomotiv” jamoalari o‘rtasida kechmoqda.
Superliga
6-tur bellashuvlari
11-aprel, chorshanba
Izoh (0)