Бугун, 11 апрель санасида Европа Чемпионлар Лигасининг яна икки ярим финалчиси номи маълум бўлади.
«Бавария» — «Севилья»
Улардан бири Мюнхенда «Бавария» ҳамда «Севилья» жамоалари ўртасида кечади. Юпп Хайнкес шогирдлари дастлабки ўйинда 2:1 ҳисобида ғалаба қозонган эди. Бугун эса Монтелла шогирдлари кеча «Рома» бажарган ишни «Альянс Арена»да такрорлаб кўришга ҳаракат қилса ажаб эмас. Учрашув Тошкент вақти билан 23:45 да бошланади. Беллашув UzReport телеканали томонидан тўғридан-тўғри эфирда узатилади.Жамоалар учрашувни қуйидаги таркибда бошлайди:
«Бавария»: Ульрайх, Хуммелс, Боатенг, Рафинья, Мартинес, Роббен, Киммих, Хамес, Рибери, Левандовски, Мюллер.
«Севилья»: Сория, Лангле, Меркадо, Эскудеро, Навас, Банега, Нзонзи, Васкес, Сарабия, Корреа, Бен-Йеддер.
Дастлабки учрашув 2:1
«Реал Мадрид» — «Ювентус»
Мадридда «Реал» Туриннинг «Ювентус» жамоасини қабул қилади. Дастлабки учрашув Зидан шогирдларининг 3:0 ҳисобидаги йирик ғалабаси билан якунланган эди. «Ювентус» эса бугун ўша мағлубиятни йўққа чиқариш учун майдонга тушади. Аммо туринликлар сафида бир нечта йўқотишлар бор. Жумладан, Пауло Дибала ўтган ўйиндаги олинган қизил карточка сабаб учрашувни ўтказиб юборади. «Реал» сафида эса йиғилиб қолган сариқ карточкалар сабаб, жамоа сардори Серхио Рамос майдонга туша олмайди. Учрашув 23:45 да бошланади. Ўйин Futbol-TV телеканали томонидан тўғридан-тўғри эфир орқали трансляция қилиниши режалаштирилган.Жамоалар учрашувни қуйидаги таркибда бошлайди:
«Реал Мадрид»: Навас, Варан, Марсело, Карвахаль, Валехо, Иско, Каземиро, Кроос, Модрич, Бэйл, Роналду.
«Ювентус»: Буффон, Бенатия, Алекс Сандро, Де Шильо, Келлини, Пьянич, Хедира, Матюиди, Дуглас Коста, Манжукич, Игуаин.
Дастлабки учрашув 3:0
Изоҳ (0)