Yevropol Ispaniya, Finlyandiya va AQSh tomonidan o‘tkazilgan qo‘shma operatsiya doirasida giyohvand moddalar savdosidan tushgan mablag‘ni bitkoinlar orqali legallashtirish bilan shug‘ullangan jinoiy guruh fosh etilganini xabar qildi. Bu haqda “RIA Novosti” yozmoqda.
Aytilishicha, jami 11 kishi hibsga olingan, shuningdek, 137 nafar gumondorga nisbatan tergov harakatlari olib borilmoqda.
Yevropol bayonotiga ko‘ra, operatsiya Yevropa agentligi tomonidan muvofiqlashtirib borilgan, harakatlarni Ispaniya va Finlyandiya kuchlari amalga oshirgan, ularga AQSh tergov organlari ko‘maklashgan.
Ispaniya fuqarolik gvardiyasi jami sakkiz marta tintuvlar o‘tkazdi.
Jinoiy guruh a’zolari kredit kartalari va bitkoinlardan foydalangan holda qora yo‘l bilan topilgan pulni legallashtirgan. Umumiy hisobda bank hisoblariga 8 million yevro o‘tkazilgan.
Tergov ishlari olib borilmoqda.
Izoh (0)