Berlin markazida cherkov, masjid va sinagoga (yahudiylar ibodatxonasi)ni o‘zida birlashtirgan ibodatxona quriladi, deb yozadi “RIA Novosti”. Qo‘shma ibodatxona qurilishi 2019-yilda boshlanib, ikki yil davom etadi.
Loyihaning asosiy g‘oyasi “turli dinlar vakillari o‘rtasida g‘oya va fikrlar almashinuvi”dan iboratdir. Bunday yig‘inlarni ibodatxonaning markaziy zalida o‘tkazish rejalashtirilmoqda.
Binoda turli dinlar ibodatxonalari bitta tom ostida joylashsa-da, ularning har birining o‘ziga xos jihatlari inobatga olinadi. Masalan, sinagoga ham, masjid ham sharq tomonga qaragan bo‘ladi.
Qurilish 43 million yevroga tushishi taxmin qilinmoqda. Ayni paytgacha xayriya tadbirlaridan 8,6 million yevro to‘plangan. Loyiha yetakchilari qurilish boshlanishi uchun 12 million yevro ham yetarli bo‘lishini aytmoqda.
Izoh (0)