Европол Испания, Финляндия ва АҚШ томонидан ўтказилган қўшма операция доирасида гиёҳванд моддалар савдосидан тушган маблағни биткоинлар орқали легаллаштириш билан шуғулланган жиноий гуруҳ фош этилганини хабар қилди. Бу ҳақда «РИА Новости» ёзмоқда.
Айтилишича, жами 11 киши ҳибсга олинган, шунингдек, 137 нафар гумондорга нисбатан тергов ҳаракатлари олиб борилмоқда.
Европол баёнотига кўра, операция Европа агентлиги томонидан мувофиқлаштириб борилган, ҳаракатларни Испания ва Финляндия кучлари амалга оширган, уларга АҚШ тергов органлари кўмаклашган.
Испания фуқаролик гвардияси жами саккиз марта тинтувлар ўтказди.
Жиноий гуруҳ аъзолари кредит карталари ва биткоинлардан фойдаланган ҳолда қора йўл билан топилган пулни легаллаштирган. Умумий ҳисобда банк ҳисобларига 8 миллион евро ўтказилган.
Тергов ишлари олиб борилмоқда.
Изоҳ (0)