AQSh prezidenti Donald Tramp yarim avtomat vintovkalar va avtomatlar yasash mumkin bo‘lgan “sirpanchiq qo‘ndoq”lar savdosini cheklash bo‘yicha normativ hujjatlarni tayyorlashga ko‘rsatma berdi, deb xabar qiladi Meduza.
Amerika prezidenti tegishli ko‘rsatmani AQSh Adliya vazirligiga berdi.
Shu bilan birga Donald Tramp o‘zining Twitter’dagi sahifasiga qonuniy ravishda qurol sotib olmoqchi bo‘lganlarga nisbatan tekshiruvlarni kuchaytirish lozim ekanligini yozib qoldirdi.
“Nimadir qilayotganimizdek tasavvur uyg‘otish uchun ish qilmasligimiz kerak. Haqiqatda nimanidir o‘zgartirishimiz kerak”, — deydi Tramp.
Donald Trampning bu kabi farmoyish berishiga Floridadagi maktabda 17 kishining umriga zomin bo‘lgan otishma sabab bo‘lgan.
Izoh (0)