Italiyada Rim shifoxonalaridan birining xodimiga nisbatan surishtiruv boshlandi. U shprits va kapelnitsalarning ignalarini ishdan olib ketib, ularni avtobus o‘rindiqlariga yashirgan, deb yozadi “Vesti.ru”.
2017-yilning dekabrida Rim karabinerlari boshqarmasiga shahar chekkasidagi yo‘nalishlardan biri yo‘lovchilaridan xavotirli xabarlar kela boshlagan. Har safar yo‘lovchi o‘rindiqlariga yashirilgan tibbiy ignalar topilgan.
Kuzatuv kamerasi yozuvlari jinoyatchining shaxsini aniqlashga yordam bergan. U Rim shifoxonalaridan birining 58 yoshli sanitari bo‘lib chiqdi. Uning uyi tintuv qilinganda ko‘p sonli tibbiy ignalar topilgan. Ular infeksion ekspertizaga yuborilgan.
Qo‘lga olingan sanitar o‘z qilmishini tan olgan, biroq harakatlari sababini tushuntira olmagan. U surishtiruv boshlanganligi haqida ogohlantirilib, ozodlikda qoldirilgan.
Izoh (0)