Avstraliyada dengiz sayohati kemasi hojatxona oldida yuzaga kelgan ommaviy mushtlashuvdan keyin Sidneyga qaytishga majbur bo‘ldi. Bu haqda “Korrespondent.net” xabar berdi.
Xabar berilishicha, kemada bo‘lib o‘tgan bayram kechasidan so‘ng hojatxona oldida navbat yuzaga kelgan. Shu vaqtda navbatda turgan bir necha erkak o‘rtasida janjal yuzaga kelgan. Janjal paytida erkaklardan birining dugonasi bo‘shagan vino shishasi bilan 21 yoshli yigitning boshiga urgan. Shundan so‘ng ur-yiqit boshlangan.
Aniqlanishicha, mushtlashuvni boshlagan ayol rossiyalik 37 yoshli Tatyana Baladina bo‘lib chiqqan. Hodisa oqibatida Baladina va olti nafar erkak hibsga olingan. Ularning barchasi kemadan tushirilib, politsiyaga topshirilgan. Keyinroq erkaklar qo‘yib yuborilgan, ayolga nisbatan esa ayblov e’lon qilingan. U 9-martda sud oldida javob berishi kerak bo‘ladi.
Izoh (0)