Misr harbiy-havo kuchlari Sinay yarimorolidagi terrochilar joylashgan hududlarga zarba berdi. Bu haqda mamlakat qurolli kuchlari vakili tomonidan ma’lum qilingan.
Xabar qilinishicha, harbiy-dengiz kuchlari jangarilar ta’minotini uzib qo‘yish uchun xavfsizlik choralarini kuchaytirgan, shuningdek, chegaralar va mamlakatdagi asosiy obyektlar muhofazasini yaxshilagan.
Misr armiyasi va politsiyasi 9-fevral kuni ertalab Sinay yarimorolida, shuningdek Nil deltasi va mamlakatning g‘arbiy cho‘l hududlarida keng qamrovli antiterror operatsiyasini boshlagan. Aholi harbiylarga yordam berishga va terrochilikka bog‘liq kishilar haqida xabar berishga chaqirilgan.