IShID terrorchilik tashkiloti a’zolari yangi daromad manbalarini qidirmoqda. Bu haqda BMT Xavfsizlik kengashi majlisida Rossiyaning BMTdagi doimiy vakili Vasiliy Nebenzya ma’lum qildi, deb yozadi “Vedomosti”.
Rossiyalik diplomat aytishicha, kontrabanda nefti bilan savdo qilish imkoniyatidan mahrum bo‘lgach, terrorchilar zamonaviy texnologiyalardan foydalanishni o‘rganmoqda. “Masalan, Suriya bilan chegaradosh mamlakatlardan birida terrorchilarning hamtovoqlari qalbaki internet-do‘konlar orqali oddiy fuqarolarning pullarini o‘g‘irlash bilan shug‘ullanmoqda. ‘Xalifalik’ jangchilari onlayn-kazino orqali pul orttirishdan ham toymayapti”, — dedi u.
Rossiyaning hisob-kitoblariga ko‘ra, 2017-yil oxiriga kelib, IShIDning Yaqin Sharq mintaqasidagi umumiy daromadi 3 million dollargacha tushib qolgan, shuning 2 million dollari neft va gaz bilan noqonuniy savdo qilish hissasiga to‘g‘ri kelgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)