Gaagadagi xalqaro jinoiy sud Venesuela va Filippinda insoniyatga qarshi jinoyatlar sodir etilgani gumoni bo‘yicha tekshiruv boshladi. Bu haqda “Korrespondent.net” xabar bermoqda.
Sudning bosh ayblovchisi Fatu Bensuda ikki davlatdagi vaziyatni 2016-yildan beri diqqat bilan kuzatayotganini bildirdi.
Bensudaga ko‘ra, unda Venesuelada prezident Maduroning raqiblariga nisbatan norozilik aksiyalari davomida, shuningdek, qo‘lga olingandan so‘ng shafqatsiz muomala qilinayotgani haqida ma’lumotlar bor. Mamlakatning sobiq bosh prokurori Luiza Ortega ham oldinroq sudni rasmiylar amalga oshirgan qotilliklar va qiynoqlarni tekshirishga chaqirgandi.
Filippinda tekshiruv prezident Rodrigo Duterte tomonidan narkosavdogarlarga qarshi e’lon qilingan urush bo‘yicha olib borilmoqda. Sudga 10 oy avval ushbu mamlakat rasmiylariga qarshi da’vo kiritgan filippinlik advokat 8 mingga yaqin kishi mazkur kampaniya qurboni bo‘lganini ma’lum qilgan.
Izoh (0)