Xitoy mutaxassislari atom suv osti kemalarida sun’iy intellekt texnologiyalarini joriy etish loyihasi ustida ishlamoqda. Bu haqda dasturda bevosita ishtirok etayotgan manbalarga tayanib, South China Morning Post ma’lum qildi, deya xabar beradi “RIA Novosti”.
Yangi tizim mualliflari fikriga ko‘ra, insonning murakkab vaziyatlarda to‘g‘ri qaror qabul qilish imkoniyati suv ostidagi yopiq va o‘ta biqiq sharoitda uzoq vaqt bo‘lishdan so‘ng sezilarli darajada pasayishi mumkin.
Bunday sharoitlar stress, kislorod ochligiga sabab bo‘lib, jumladan, muhim qaror qabul qilish lozim bo‘lgan vaziyatda ham diqqat-e’tibor va ishchanlik pasayishiga olib keladi.
Olimlar yangi ishlanmalar suv osti kemalari ekipajlariga mas’uliyat yukini kamaytirish va samarali qarorlar qabul qilishda yordam beradi deb hisoblamoqda.
Izoh (0)