“Gtn.uz” Toshkent shahar portali tahririyati Chilonzor tumanidagi Gagarin ko‘chasida daraxtlar kesilishi bo‘yicha jurnalistik tadqiqot olib borib, noqonuniy tarzda daraxtlar kesilishi uchun javobgar bo‘lgan shaxsning jarimaga tortilishiga erishdi. Bu haqda portal xabarida aytiladi.
Jurnalistik tadqiqot yanvar oyi boshidayoq boshlangan, ammo u O‘zbekiston Ekologiya va atrof-muhitni muhofaza qilish davlat qo‘mitasidan tegishli javobni kutish jarayonida to‘xtab qolgan.
Daraxt kesuvchilar bunday buyruqni ularga o‘sha paytda Chilonzor tumani obodonlashtirish bo‘limida ishlagan Mahmud Po‘latxo‘jayev ismli shaxs berganini aytgan. Qo‘mita esa u hokimlikning ruxsatisiz o‘zboshimchalik bilan chinorlarning yon shoxlarini kesib tashlagani haqida javob xati yozgan.
Ma’muriy javobgarlik to‘g‘risidagi kodeksning 162-moddasi (Shaharlardagi daraxtlarni shikastlantirish yoki ularni o‘zboshimchalik bilan kesib tashlash) bo‘yicha protokol tuzilib, unga 172 240 so‘m jarima solindi, shuningdek, qonunbuzarga 568 392 so‘mlik da’vo ilgari surildi.
Izoh (0)