«Gtn.uz» Тошкент шаҳар портали таҳририяти Чилонзор туманидаги Гагарин кўчасида дарахтлар кесилиши бўйича журналистик тадқиқот олиб бориб, ноқонуний тарзда дарахтлар кесилиши учун жавобгар бўлган шахснинг жаримага тортилишига эришди. Бу ҳақда портал хабарида айтилади.
Журналистик тадқиқот январь ойи бошидаёқ бошланган, аммо у Ўзбекистон Экология ва атроф-муҳитни муҳофаза қилиш давлат қўмитасидан тегишли жавобни кутиш жараёнида тўхтаб қолган.
Дарахт кесувчилар бундай буйруқни уларга ўша пайтда Чилонзор тумани ободонлаштириш бўлимида ишлаган Маҳмуд Пўлатхўжаев исмли шахс берганини айтган. Қўмита эса у ҳокимликнинг рухсатисиз ўзбошимчалик билан чинорларнинг ён шохларини кесиб ташлагани ҳақида жавоб хати ёзган.
Маъмурий жавобгарлик тўғрисидаги кодекснинг 162-моддаси (Шаҳарлардаги дарахтларни шикастлантириш ёки уларни ўзбошимчалик билан кесиб ташлаш) бўйича протокол тузилиб, унга 172 240 сўм жарима солинди, шунингдек, қонунбузарга 568 392 сўмлик даъво илгари сурилди.
Изоҳ (0)