Shvetsiyada IKEA mebel kompaniyasi asoschisi Ingvar Kamprad olamdan o‘tdi. Bu haqda kompaniya matbuot xizmati ma’lum qildi, deb xabar beradi Meduza.
Tadbirkor 91 yoshda edi. U 27-yanvar kuni Smolanddagi uyida vafot etdi.
Kamprad kompaniyaga 17 yoshida asos solgandi. IKEA nomi uning ism-sharifi va o‘sib-ulg‘aygan joylari (Elmtarid va Agunnaryud) bosh harflaridan iborat.
Kamprad 2013-yilgacha IKEA direktorlar kengashida bo‘lgan. Hozirda uning o‘g‘illari kompaniyada rahbarlik lavozimlarini egallab kelmoqda.
IKEA dunyoning 49 davlatida faoliyat yuritadi, ularda 411 ta do‘koni ochilgan.
Forbes Kamprad va uning oilasi mol-mulkini 3,5 milliard dollar baholagandi.
Izoh (0)