Milosh Zeman Chexiyada bo‘lib o‘tgan prezidentlik saylovining ikkinchi bosqichida g‘olib chiqdi va 5 yil muddatga davlat rahbari etib qayta saylandi. Bu haqda “TASS” xabar bermoqda.
Uning saylovdagi raqibi — mamlakat fanlar akademiyasining sobiq rahbari Irji Dragosh mag‘lubiyatini tan oldi va raqibini tabrikladi.
Chexiya statistika boshqarmasiga ko‘ra, Milosh Zeman 51,36, Irji Dragosh esa 48,46 foiz ovoz to‘pladi. Ikkinchi bosqichda saylovchilarning 66,9 foizi ishtirok etdi.
Zemanning inauguratsiya marosimi 8-mart kuni mamlakat deputatlar palatasi va Senatning qo‘shma yig‘ilishida bo‘lib o‘tadi.
Izoh (0)