Qozog‘istonda halok bo‘lgan o‘zbekistonliklarga bag‘ishlangan xayriyaning birinchi kuni 60 mln so‘mdan ortiq pul yig‘ildi
Avvalroq Qozog‘istonning Aqto‘be viloyatida avtobusda yonib ketgan 52 nafar o‘zbekistonlikning oilalari uchun tashkil qilingan xayriya aksiyasi doirasida tashkilotchilar Namangan viloyatidagi To‘raqo‘rg‘on tumanida hokimiyat vakillari bilan bir nechta xonadonlarga bordi. Bu haqda bloger Xushnudbek Xudayberdiyev Facebook’dagi sahifasida ma’lum qildi.
Foto: Facebook / Xushnudbek Xudayberdiyev
To‘raqo‘rg‘on tumanida 20 ta xonadondan 21 kishi vafot etibdi, “Katta qurama” mahallasining o‘zidan 10 kishi, deyiladi xabarda.
Bir kun ichida aksiyaga 60 million so‘mdan ziyodroq pul yig‘ildi. Bunda O‘zbekistondan so‘m plastikka o‘tkazilgan, pul o‘tkazish xizmatlari orqali xorijdan yuborilgan naqd pullar (hali qo‘lga olinmagan bo‘lsa ham) hamda PayPal tizimi orqali o‘tkazilgan elektron pullar hisobga olindi. “Hali biz 60 million ichiga valyuta kartasiga o‘tkazilgan pullarni qo‘shmadik, chunki kartada SMS-xizmat yo‘qligi sababli hisobini bila olganimiz yo‘q, ertaga aniqlaymiz. Demak, mazkur summa yanada oshishi aniq”, — deb yozadi bloger.
Foto: Facebook / Xushnudbek Xudayberdiyev
21-yanvar, yakshanba kuni jami 12 million 300 ming so‘m tarqatildi. Bunda:
“Xayriya aksiyamiz davom etadi. Hozircha dastlabki rejalarimiz bo‘yicha, xalqimizning sahovati natijasida har bir marhumning oilasiga 10 mln. so‘mdan ajratishni niyat qilganmiz. Shunda taxminan 500 million so‘mdan ko‘proq mablag‘ kerak bo‘ladi. Umid qilamizki, birgalashib, ushbu dovonni bemalol zabt eta olamiz”, — deya qayd etdi Xushnudbek.
Foto: Facebook / Xushnudbek Xudayberdiyev
So‘mda pul o‘tkazish uchun plastik raqami (istalgan miqdorda, cheklovlar yo‘q):
8600 3104 3723 2663
Xorijiy valyutada pul o‘tkazmalari uchun plastik raqami:
4847 9907 0722 6123
Ikkala karta ham Bahriddin Najmiddinov nomiga ochilgan.
Shuningdek, xorijdagilar PayPal tizimi orqali ham quyidagi manzilga pul o‘tkazishlari mumkin:
Savollar tug‘ilganda Telegram va WhatsApp orqali +998946119998 (Xushnudbek) raqamiga murojaat qilishingiz mumkin.
Avvalroq O‘zbekiston Prezidenti Shavkat Mirziyoyevning topshirig‘iga ko‘ra Qozog‘istonning Aqto‘be viloyati Irgiz tumanida avtobus yonishi oqibatida halok bo‘lgan O‘zbekiston fuqarolari oilalarining barchasiga bir martalik nafaqa ajratilgan edi.
Xushnudbek Xudayberdiyev qayd etishicha, shuningdek, 20-yanvar kuni hukumat va Namangan viloyati hokimining tashabbusi bilan barcha marhumlarning xonadoniga 5 million so‘mdan pul berilgan, 21-yanvar kuni To‘raqo‘rg‘on tumani hokimining tashabbusi bilan har bir xonadonga qo‘y va Pop tumanidagi tashkilotlar tashabbusi bilan bozor-o‘char yetkazilgan.
Izoh (0)