Қозоғистонда ҳалок бўлган ўзбекистонликларга бағишланган хайриянинг биринчи куни 60 млн сўмдан ортиқ пул йиғилди
Аввалроқ Қозоғистоннинг Ақтўбе вилоятида автобусда ёниб кетган 52 нафар ўзбекистонликнинг оилалари учун ташкил қилинган хайрия акцияси доирасида ташкилотчилар Наманган вилоятидаги Тўрақўрғон туманида ҳокимият вакиллари билан бир нечта хонадонларга борди. Бу ҳақда блогер Хушнудбек Худайбердиев Facebook’даги саҳифасида маълум қилди.
Фото: Facebook / Хушнудбек Худайбердиев
Тўрақўрғон туманида 20 та хонадондан 21 киши вафот этибди, «Катта қурама» маҳалласининг ўзидан 10 киши, дейилади хабарда.
Бир кун ичида акцияга 60 миллион сўмдан зиёдроқ пул йиғилди. Бунда Ўзбекистондан сўм пластикка ўтказилган, пул ўтказиш хизматлари орқали хориждан юборилган нақд пуллар (ҳали қўлга олинмаган бўлса ҳам) ҳамда PayPal тизими орқали ўтказилган электрон пуллар ҳисобга олинди. «Ҳали биз 60 миллион ичига валюта картасига ўтказилган пулларни қўшмадик, чунки картада SMS-хизмат йўқлиги сабабли ҳисобини била олганимиз йўқ, эртага аниқлаймиз. Демак, мазкур сумма янада ошиши аниқ», — деб ёзади блогер.
Фото: Facebook / Хушнудбек Худайбердиев
21 январь, якшанба куни жами 12 миллион 300 минг сўм тарқатилди. Бунда:
«Хайрия акциямиз давом этади. Ҳозирча дастлабки режаларимиз бўйича, халқимизнинг саҳовати натижасида ҳар бир марҳумнинг оиласига 10 млн. сўмдан ажратишни ният қилганмиз. Шунда тахминан 500 миллион сўмдан кўпроқ маблағ керак бўлади. Умид қиламизки, биргалашиб, ушбу довонни бемалол забт эта оламиз», — дея қайд этди Хушнудбек.
Фото: Facebook / Хушнудбек Худайбердиев
Сўмда пул ўтказиш учун пластик рақами (исталган миқдорда, чекловлар йўқ):
8600 3104 3723 2663
Хорижий валютада пул ўтказмалари учун пластик рақами:
4847 9907 0722 6123
Иккала карта ҳам Баҳриддин Нажмиддинов номига очилган.
Шунингдек, хориждагилар PayPal тизими орқали ҳам қуйидаги манзилга пул ўтказишлари мумкин:
Саволлар туғилганда Telegram ва WhatsApp орқали +998946119998 (Хушнудбек) рақамига мурожаат қилишингиз мумкин.
Аввалроқ Ўзбекистон Президенти Шавкат Мирзиёевнинг топшириғига кўра Қозоғистоннинг Ақтўбе вилояти Иргиз туманида автобус ёниши оқибатида ҳалок бўлган Ўзбекистон фуқаролари оилаларининг барчасига бир марталик нафақа ажратилган эди.
Хушнудбек Худайбердиев қайд этишича, шунингдек, 20 январь куни ҳукумат ва Наманган вилояти ҳокимининг ташаббуси билан барча марҳумларнинг хонадонига 5 миллион сўмдан пул берилган, 21 январь куни Тўрақўрғон тумани ҳокимининг ташаббуси билан ҳар бир хонадонга қўй ва Поп туманидаги ташкилотлар ташаббуси билан бозор-ўчар етказилган.
Изоҳ (0)