Yangi Zelandiyaning Fordlend milliy bog‘idagi yo‘l bo‘yida kea to‘tiqushlari uchun mo‘ljallangan o‘yin maydonchasi qurildi. Bunga qushlarning yo‘l konuslari bilan o‘ynab, o‘z hayotini xavf ostiga qo‘ygani aks etgan video sabab bo‘lgan. Bu haqda Nzherald.co.nz xabar berdi.
Kea to‘tiqushlarini himoya qiluvchi jamiyat rahbarining fikricha, to‘tiqushlar haydovchilar tezlikni pasaytirishi uchun ongli ravishda avtomobillar harakatiga xalaqit bergan bo‘lishi mumkin, keyin esa haydovchilardan yegulik so‘rashi mumkin edi.
To‘tiqushlar uchun yangi maydoncha bu turdagi maydonchalarning to‘rtinchisi hisoblanadi. Avvalgilari ham qushlarni yo‘llardagi halokatlardan saqlash uchun yo‘llar yaqinida qurilgan.
Izoh (0)