9-yanvar kuni Nukus shahridagi Yoshlar markazida O‘zbekiston Yoshlar ittifoqi Qoraqalpog‘iston Respublikasi kengashi tomonidan tashkil etilgan “Yoshlar Press klubi”ning ilk sessiyasi bo‘lib o‘tdi. Bu haqda “KRuz.uz” xabar bermoqda.
“Yoshlar Press klubi”ning birinchi sessiyasida Qoraqalpog‘iston Respublikasi ichki ishlar vazirligi huquqbuzarliklar profilaktikasi boshqarmasi boshlig‘i Kenesbay Nurabullayev Qoraqalpog‘istonda ro‘y bergan jinoyatchilik haqida ma’lumot berib o‘tdi.
Qoraqalpog‘iston Respublikasida 2017-yilda jinoyatchilik 2016-yilga nisbatan 17 foizga kamaydi. Ya’ni o‘tgan yili jinoyatlar soni 595 taga kamayishiga erishildi. Bu albatta Yoshlar ittifoqi va hamkor tashkilotlar bilan aloqalar yaxshi yo‘lga qo‘yilganining ham natijasi deb hisoblaymiz. Biroq jinoyatning umumiy soni 17 foizga kamaydi deb maqtana olmaymiz, bu juda kam. Sababi xotin-qizlar orasida mentalitetimizga to‘g‘ri kelmaydigan jinoyatlarning sodir bo‘lishi ham yaxshi emas. Yoshlar orasida 806 jinoyat yuz berdi. Bu jinoyatlarda 947 nafar yoshlar ishtirok etgan. Ayrim jinoyatlarni 2—3 kishi bo‘lib, birga sodir etishyapti. Bu hali bizlarning ishlarimizda kamchiliklar bor ekanligini anglatadi.Yana bitta kamchiligimiz — har xil yig‘ilishlarga borsak, eng faol o‘quvchi va talabalar o‘sha yig‘ilishlarda ishtirok etishadi. Biroq yaxshi o‘qimaydigan, ko‘chada vaqtini ko‘p o‘tkazadigan yoshlar bunday uchrashuvlarga kam jalb etilmoqda. Biz har bir yosh bilan uchrashib, ular bilan tushintirish ishlarini olib borishimiz kerak.
Kenesbay Nurabullayev, Qoraqalpog‘iston Respublikasi ichki ishlar vazirligi huquqbuzarliklar profilaktikasi boshqarmasi boshlig‘i
Izoh (0)