Buxoro viloyati Qorako‘l tuman IIBga 1964-yilda tug‘ilgan Muxtor Mehmonov ariza bilan murojaat qilib, noma’lum shaxslar tuman dehqon bozorida joylashgan unga tegishli savdo do‘konidagi stol ostida turgan sumkasidan 7 600 000 so‘m naqd pulini o‘g‘irlab ketganini bildirgan, deb xabar beradi Buxoro viloyati IIB matbuot xizmati.
Mazkur holat bo‘yicha olib borilgan tezkor surushtiruv ishlari natijasida ushbu jinoyatni Buxoro shahar F.Xo‘jayev MFY Qizilqum ko‘chasi 66-uyda yashovchi lo‘li millatiga mansub uch nafar ayol, 1982-yilda tug‘ilgan Gulshohidil Komilova, 1976-yilda tug‘ilgan Zuhra Qo‘ldosheva va 1990-yilda tug‘ilgan Jamila Eshonovalar sodir etgani aniqlandi. Ayollardan 7 600 000 so‘m miqdoridagi pul ashyoviy dalil sifatida olingan.
Ushbu holat yuzasidan Gulshohidil Komilova, Zuhra Qo‘ldosheva va Jamila Eshonovalarga nisbatan O‘zbekiston Respublikasi Jinoyat Kodeksining 169-moddasi (o‘g‘rilik) 2-qismi bilan jinoyat ishi qo‘zg‘atilib, tergov harakatlari olib borilmoqda.
Maqoladagi barcha ism-familiyalar o‘zgartirilgan.
Izoh (0)