O‘zbekistonda “iste’mol savati” va “kun kechirish uchun zarur miqdor” tushunchalari joriy qilinadi, shuningdek, ularni hisoblash tasniflari aniqlanadi, deb xabar beradi “Gazeta.uz”.
Mazkur atamalarning joriy etilishi keng jamoatchilik muhokamasiga qo‘yilgan 2018-yilgi Davlat dasturi loyihasida ko‘zda tutilgan. Tashabbus 1-iyulgacha amalga tatbiq etilishi rejalashtirilmoqda.
“Aholining munosib turmush tarzi uchun zarur bo‘lgan daromadni aniqlash uchun “iste’mol savati” va “kun kechirish uchun zarur miqdor” tushunchalari bilan bog‘liq munosabatlarni huquqiy tartibga solish ta‘minlangan bo‘lishi zarur”, — deyiladi xabarda.
Qayd etilishicha, mazkur tushunchalarning iste’molga kiritilishi aholi real daromadlari, oylik maosh, pensiya, ijtimoiy nafaqa va boshqa to‘lovlar miqdorining “iste’mol savati” va “kun kechirish uchun zarur miqdor” bilan mutanosibligini ta’minlashga xizmat qiladi.
Izoh (0)