Farg‘ona viloyati Bag‘dod tumani Konizar mahalla fuqarolar yig‘ini hududida joylashgan 3-maktabning oshxonasi, sport zali, faollar zali va bir qator xonalari yaroqsiz holatga kelib qolgan. Bu haqda ushbu mahallada istiqomat qiluvchi Hayot Obidov “Daryo”ga ma’lum qildi.
Mobil muxbirning ma’lum qilishicha, maktab ta’miri 2006/2007-o‘quv yilida boshlanib, ikki yil davom etgan (bu vaqt oralig‘ida o‘quvchilar qishloqdagi bolalar bog‘chasida o‘qigan). Biroq ta’mirlash ishlari to‘liq amalga oshmagan — maktab oshxonasi, sport zali, faollar zali va bir qancha xonalar umuman ta’mirlanmagan.
Hozir maktabda o‘quvchilarning qishki mavsumda jismoniy tarbiya darslarini o‘tishi, turli sport musobaqalari uyushtirishi va jamoaviy sport o‘yinlari bilan shug‘ullanishi uchun sharoit mavjud emas.Turli tadbirlar, bayramlar, kechalar va ommaviy uchrashuvlar uyushtirishi mo‘ljallangan faollar zali butunlay yaroqsiz va xavfli holatda bo‘lgani bois, barcha tadbirlar maktab xovlisi yoki sinf xonalarida o‘tkazilmoqda.
Avvalari barcha qulayliklarga ega bo‘lgan, keng va yorug‘ maktab oshxonasi esa yillar mobaynida ishlamay, hozir qarovsiz bir holatda.
Hayot Obidov
Izoh (0)