Фарғона вилояти Бағдод тумани Конизар маҳалла фуқаролар йиғини ҳудудида жойлашган 3-мактабнинг ошхонаси, спорт зали, фаоллар зали ва бир қатор хоналари яроқсиз ҳолатга келиб қолган. Бу ҳақда ушбу маҳаллада истиқомат қилувчи Ҳаёт Обидов «Дарё»га маълум қилди.
Мобил мухбирнинг маълум қилишича, мактаб таъмири 2006/2007-ўқув йилида бошланиб, икки йил давом этган (бу вақт оралиғида ўқувчилар қишлоқдаги болалар боғчасида ўқиган). Бироқ таъмирлаш ишлари тўлиқ амалга ошмаган — мактаб ошхонаси, спорт зали, фаоллар зали ва бир қанча хоналар умуман таъмирланмаган.
Ҳозир мактабда ўқувчиларнинг қишки мавсумда жисмоний тарбия дарсларини ўтиши, турли спорт мусобақалари уюштириши ва жамоавий спорт ўйинлари билан шуғулланиши учун шароит мавжуд эмас.Турли тадбирлар, байрамлар, кечалар ва оммавий учрашувлар уюштириши мўлжалланган фаоллар зали бутунлай яроқсиз ва хавфли ҳолатда бўлгани боис, барча тадбирлар мактаб ховлиси ёки синф хоналарида ўтказилмоқда.
Аввалари барча қулайликларга эга бўлган, кенг ва ёруғ мактаб ошхонаси эса йиллар мобайнида ишламай, ҳозир қаровсиз бир ҳолатда.
Ҳаёт Обидов
Изоҳ (0)