8—9-yanvar kunlari Dushanbeda Tojikiston va O‘zbekiston delegatsiyasining o‘zbek—tojik davlat chegaralaridagi hududlarni delimitatsiya va demarkatsiya qilish masalalari bo‘yicha ishchi guruh o‘rtasida uchrashuv bo‘lib o‘tdi. Bu haqda Tojikiston Tashqi ishlar vazirligining matbuot xizmatiga asoslanib, UZ24 xabar berdi.
Uchrashuv chog‘ida Tojikiston—O‘zbekiston davlat chegarasining qolgan uchastkalariga o‘tish masalalari muhokama qilindi.
Ishchi guruhning uchrashuvi bugun, 10-yanvar kuni Tojikiston bosh vaziri Qohir Rasulzoda va O‘zbekiston bosh vaziri Abdulla Aripov raisligi ostida Tojikiton—O‘zbekiston hukumatlararo komissiyasining majlisi doirasida davom etadi, unda ikki mamlakat o‘rtasidagi chegarani delimitatsiya va demarkatsiya qilish masalalari ko‘rib chiqiladi.
O‘zbekiston bosh vaziri Abdulla Aripov boshchiligidagi delegatsiya hozirda Tojikistonga yetib borgan. Kun yakuniga qadar Abdullar Aripovni Tojikiston prezidenti Emomali Rahmon ham qabul qilishi kutilmoqda.
Izoh (0)