Бухоро вилояти Қоракўл туман ИИБга 1964 йилда туғилган Мухтор Меҳмонов ариза билан мурожаат қилиб, номаълум шахслар туман деҳқон бозорида жойлашган унга тегишли савдо дўконидаги стол остида турган сумкасидан 7 600 000 сўм нақд пулини ўғирлаб кетганини билдирган, деб хабар беради Бухоро вилояти ИИБ матбуот хизмати.
Мазкур ҳолат бўйича олиб борилган тезкор суруштирув ишлари натижасида ушбу жиноятни Бухоро шаҳар Ф.Хўжаев МФЙ Қизилқум кўчаси 66-уйда яшовчи лўли миллатига мансуб уч нафар аёл, 1982 йилда туғилган Гулшоҳидил Комилова, 1976 йилда туғилган Зуҳра Қўлдошева ва 1990 йилда туғилган Жамила Эшоновалар содир этгани аниқланди. Аёллардан 7 600 000 сўм миқдоридаги пул ашёвий далил сифатида олинган.
Ушбу ҳолат юзасидан Гулшоҳидил Комилова, Зуҳра Қўлдошева ва Жамила Эшоноваларга нисбатан Ўзбекистон Республикаси Жиноят Кодексининг 169-моддаси (ўғрилик) 2-қисми билан жиноят иши қўзғатилиб, тергов ҳаракатлари олиб борилмоқда.
Мақоладаги барча исм-фамилиялар ўзгартирилган.
Изоҳ (0)