O‘zbekistonda Nokia markasi tarixidagi ilk Android-smartfon — Nokia 6 modeli sotila boshladi, deb yozadi “Mobinfo.uz”. Telefon korpusi butun alyuminiy bo‘lagidan aniq frezerlash usuli bilan yasalgan. Barmoq izi skaneri “Uyga” tugmasiga o‘rnatilgan.
Smartfon 5,5 dyuymli va 1920×1080 pikselli, qayrilma qirrali Full HD-displey, 16 megapikselli asosiy va 8 megapikselli old kamera, 8 yadroli Qualcomm Snapdragon 430, 4 Gb tezkor va 64 Gb doimiy xotira (+microSD), 3000 mA/soat sig‘imli akkumulyatorga ega.
Nokia 6 Android 7.0 Nougat operatsion tizimida ishlaydi, ikkita SIM-kartani sig‘dira oladi.
Toshkentdagi “Malika” savdo majmuasida 64 Gb doimiy xotirali Nokia 6 2,4 million so‘mdan sotilmoqda.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)