Ўзбекистонда Nokia маркаси тарихидаги илк Android-смартфон — Nokia 6 модели сотила бошлади, деб ёзади «Mobinfo.uz». Телефон корпуси бутун алюминий бўлагидан аниқ фрезерлаш усули билан ясалган. Бармоқ изи сканери «Уйга» тугмасига ўрнатилган.
Смартфон 5,5 дюймли ва 1920×1080 пикселли, қайрилма қиррали Full HD-дисплей, 16 мегапикселли асосий ва 8 мегапикселли олд камера, 8 ядроли Qualcomm Snapdragon 430, 4 Гб тезкор ва 64 Гб доимий хотира (+microSD), 3000 мА/соат сиғимли аккумуляторга эга.
Nokia 6 Android 7.0 Nougat операцион тизимида ишлайди, иккита SIM-картани сиғдира олади.
Тошкентдаги «Малика» савдо мажмуасида 64 Гб доимий хотирали Nokia 6 2,4 миллион сўмдан сотилмоқда.
Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.
Изоҳ (0)