Bagama orollarida yosh bola tasodif tufayli bir yo‘la to‘rtta nahang (akula) hujumidan qutulib qolishga muvaffaq bo‘ldi, deb yozadi “RIA Novosti”. Gap shundaki, hamla qilishga tayyorlanayotgan hayvonlarni dron operatori payqab qoldi.
Dron egasi Artyom Tkachenko tomonidan olingan videoyozuv YouTube’ga joylandi. Rolikda bola xavf borligini bilmagan holda suvga yugurib borganini va to‘g‘ri to‘rtta yirtqichga qarab suzib borayotganini ko‘rish mumkin. Akulalar bir necha soniya ichida bolaga atigi bir necha metr masofada yaqin keldi.
Bu vaqtda mahalliy plyaj manzarasini tasvirga olayotgan operator vaziyatning naqadar xavfli ekanligini angladi va shu zahoti qichqirib, bolani to‘xtatib qoldi, shu tufayli u so‘nggi lahzada qirg‘oqqa yugurib chiqishga ulgurdi. Bolaga hech qanday zarar yetmagan.
Izoh (0)