Voyaga yetmagan Amirhusayn Purjafar Eronda 2017-yil oktabrida chiqarilgan o‘lim jazosi hukmi asosida 4-yanvar kuni qatl etildi. Bu haqda Yevropa tashqi siyosiy xizmati rasmiy vakili ma’lum qildi, deb yozadi “Interfaks”.
“U og‘ir jinoyatda aybdor deb topilgan, Yevropa ittifoqi marhumning oilasiga chuqur hamdardlik bildiradi”, — deyiladi Bryussel tomonidan tarqatilgan kommyunikeda.
Shu bilan birga, Yevropa tashqi siyosiy xizmati vakili bayonotida ta’kidlanishicha, “o‘n sakkiz yoshdan kichik shaxslar tomonidan amalga oshirilgan jinoyatlar uchun o‘lim jazosi Fuqarolik va siyosiy huquqlar haqidagi xalqaro bitim va Bolalar huquqlari haqidagi konvensiyaga muvofiq Eronning xalqaro majburiyatlariga ziddir”.
“Yevropa ittifoqi hech qanday istisnosiz har qanday holat va sharoitlardagi o‘lim jazosiga qarshi chiqadi va uning umumiy bekor qilinishiga erishadi”, — deyiladi hujjatda.
Izoh (0)