AQSh Pokistonga xavfsizlik sohasidagi moliyaviy ko‘makni taqdim etishni to‘xtatib qo‘yadi. Bu haqda AQSh Davlat departamenti rasmiy vakili Xizer Noyert ma’lum qildi, deb yozadi “TASS”. Bu Islomobod “Tolibonga nisbatan chora ko‘rishni boshlamagunicha” shunday bo‘ladi.
Shu bilan birga Davlat departamenti vakili gap qancha summa haqida borayotganiga aniqlik kiritmadi.
“Pokiston hukumati guruhlarga, shu jumladan, afg‘on Toliboniga nisbatan choralar ko‘rishni boshlamagunicha, Pokistonga xavfsizlik sohasida yordam berishni to‘xtatib qo‘yishimizni tasdiqlashimiz mumkin”, — dedi Noyert brifingda.
Avvalroq AQSh prezidenti Donald Tramp so‘nggi 15 yil davomida AQSh tomonidan Pokistonga amalga oshirilgan ko‘p milliardli pul o‘tkazmalarini “ahmoqlik” deb atagan edi.
Izoh (0)