AQSh prezidenti Donald Tramp va Janubiy Koreya yetakchisi Mun Chje In telefon orqali muloqotda Pxyonchxanda qishki Olimpiada o‘tkazilishi davomida qo‘shma harbiy-dengiz mashg‘ulotlari o‘tkazilishini qoldirishga kelishib oldi. Bu haqda “TASS” xabar bermoqda.
Gap qo‘shinlarning barcha turlari ishtirokidagi Foal Eagle manyovrlari, shuningdek, Key Resolve qo‘mondonlik-shtab mashg‘ulotlarini keyinroqqa qoldirish haqida ketmoqda.
Odatda ular fevral-mart oylarida o‘tkaziladi, bu esa Olimpiada va Paralimpiya o‘yinlari bo‘lib o‘tadigan sanaga to‘g‘ri kelmoqda. Oxirgi yillarda manyovrlarda 200 mingdan 300 minggacha harbiy xizmatchi ishtirok etgan, AQSh strategik qurol-aslahalari jalb etilgan.
Tramp Mun Chje Inga u Shimoliy Koreya tomoniga Olimpiada davomida harbiy mashqlar o‘tkazilmasligini yetkazishi mumkinligini bildirdi. Shuningdek, KXDR bilan muloqotni yo‘lga qo‘yishda yordam taklif etdi.
Izoh (0)