4-yanvar, payshanba kuni Kobulning to‘qqizinchi tumanidagi Banoi dahasida yuz bergan teraktda 15 kishi halok bo‘ldi va kamida 20 kishi yaralandi, deb yozadi “Interfaks”. Bu haqda Tolo News telekanali guvohlarga tayanib xabar bergan.
“Dastlabki ma’lumotlarga ko‘ra, xudkush terrorchi Banoi dahasida politsiya bo‘linmasi postiga yaqin kelib, o‘zini portlatgan”, — deyiladi telekanal xabarida.
حملۀ انتحاری در کابل جان پانزده تن را گرفتhttps://t.co/SRdulaw0fr pic.twitter.com/BC2pcXUiuY
— TOLOnews (@TOLOnews) January 4, 2018
Mamlakatda faoliyat olib boruvchi ekstremistik guruhlarning hech biri hujum uchun javobgarlikni zimmasiga olganicha yo‘q.
Ushbu tumanda 4-yanvar kuni ertalab spirtli ichimliklarning noqonuniy sotilishi yuzasidan do‘kondorlar va politsiya xodimlari o‘rtasida to‘qnashuv yuz bergan. Oqibatda bir nafar savdogar halok bo‘lgan, yana to‘rt kishi yaralangan. Shundan keyin o‘nlab mahalliy fuqarolar norozilik namoyishiga chiqqach, tumanga qo‘shimcha huquq-tartibot kuchlari kiritilgan.
Izoh (0)