Qirg‘izistonning sobiq prezidenti Kurmanbek Bakiyev va uning ukasi Janibek Bakiyev Bishkekning Oktabr tuman sudi tomonidan sirtdan 10 yil qamoq jazosiga hukm qilindi. Bu haqda “TASS” xabar bermoqda.
“Ular bilan birga yana bir necha sobiq yuqori martabali mansabdorlar qishloq xo‘jaligi uchun mo‘ljallangan yer uchastkalarini noqonuniy ajratgani uchun turli qamoq muddatlari va jarimalarga tortildi”, — deyiladi sud devonxonasi xabarida.
Jumladan, mamlakat parlametining sobiq deputati Karganbek Samakov 10 yil qamoq jazosi, sobiq bosh vazir Igor Chudinov va sobiq bosh vazir o‘rinbosari Iskandar Aydaraliyev har biri 5 million somdan (72 ming dollar atrofida) jarimaga tortildi.
Mazkur jinoiy ish 2 yil avval qo‘zg‘atilgandi. Gap Bishkek yaqinidagi 262 gektar yer haqida ketmoqda.
Izoh (0)