AQSh hukumati rasman KXDRga WannaCry virusidan foydalanib, katta ko‘lamli kiberhujum uyushtirganlik uchun javobgarlikni yukladi. Bu haqda AQSh prezidenti Donald Trampning ichki xavfsizlik masalalari bo‘yicha yordamchisi Tom Bossert o‘z maqolasida ma’lum qildi, deb yozadi “TASS”.
Uning so‘zlariga ko‘ra, “puxta tekshiruvdan so‘ng, AQSh keng ko‘lamli WannaCry hujumini Shimoliy Koreya bo‘yniga qo‘yadi”. Bu borada Vashingtonning fikriga boshqa mamlakatlar hukumatlari va xususiy kompaniyalar ham qo‘shiladi, deyiladi maqolada. “Birlashgan Qirollik hujumni Shimoliy Koreya bo‘yniga qo‘ydi va Amerikaning Microsoft kompaniyasi hujum manbasi Shimoliy Koreya hukumatiga aloqador kibertuzilmalar bo‘lganini aniqladi”, — dedi Trampning yordamchisi.
“Hujum keng ko‘lamli bo‘lib, milliardlab moliyaviy talafotlarga olib keldi, va Shimoliy Koreya buning uchun bevosita mas’uldir”, — deb yozadi u maqolada.
WannaCry shifrlovchi virusi 74 ta mamlakatdagi Windows operatsion tizimi o‘rnatilgan kompyuterlarga 12-may kuni hujum qilgan edi. U kompyuterlarni bloklab qo‘yib, unga kirishni qayta tiklash uchun pul ko‘chirib o‘tkazishni talab qilgandi.
Izoh (0)