Kiyevda qo‘lga olingan Odessa viloyatining sobiq gubernatori Mixail Saakashvili 9-dekabr, shanbaga o‘tar kechasi muddatsiz ochlik e’lon qildi. Bu haqda uning advokati Ruslan Chernolutskiy ma’lum qildi, deya xabar beradi “TASS”.
“U muddatsiz ochlik e’lon qilganini bildirdi. Shuningdek, har qanday majburiy taomlantirishdan voz kechishini aytdi. Agar unga nisbatan 60 sutka hibs tariqasidagi ehtiyot chorasi qo‘llansa, ochlikni yana davom ettiradi”, — dedi advokat.
Chernolutskiy Facebook’da Saakashvilining maktubini joylashtirdi. Unda siyosatchi o‘ziga qo‘yilayotgan barcha ayblovlarni rad etgan, Ukraina fuqarolarini cho‘chimaslik va “Impichment uchun marsh” aksiyasida ishtirok etishga chaqirdi.
Izoh (0)