Gondurasda prezidentlik saylovlari natijalarini e’lon qilish kechiktirilayotgani sababli yuzaga kelgan tartibsizliklar davomida halok bo‘lganlar soni 7 kishiga yetdi. Bu haqda “RIA Novosti” xabar bermoqda.
Oldinroq norozilik namoyishlari davomida bir kishi halok bo‘lgani, 20 kishi yaralangani bildirilgandi.
Mundo nashriga ko‘ra, qurbonlar orasida 14 yoshli o‘smir ham bor. Politsiya hozircha halok bo‘lganlarning aniq sonini tasdiqlamadi.
Mamlakatda vaziyat keskinlashgani sababli Gonduras hukumati 1-dekabr, juma kuni kechki paytdan boshlab komendantlik soati joriy etdi. Mazkur tartib 10 kun davom etadi.
Izoh (0)