Yevropaning Airbus kompaniyasida Qozog‘iston bilan bog‘liq tekshiruv doirasida taftish ishlari o‘tkazildi, deb yozadi Kazakhstan Today.
Tintuv 2010-yilda vertolyotlar va sun’iy yo‘ldoshlarning Qozog‘istonga sotilishi haqidagi ish bilan bog‘liq bo‘lgan. Ayni paytda Fransiyada ushbu oldi-sotdi chog‘ida to‘langan 8,8 million yevro noqonuniy komissiya to‘lovi haqida tergov olib borilmoqda. Konsern top-menejerlari oktabrda ushbu ish bo‘yicha guvohlar sifatida so‘roqqa chaqirilgan edi.
Airbus bilan shartnoma tuzish chog‘idagi korrupsiya haqidagi ish bo‘yicha tergov Fransiya huquq-tartibot organlari tomonidan 2014-yildan buyon olib borilmoqda. Tergovchilar gumon qilishicha, noqonuniy oldi-sotdi ishtirokchilari Fransiya sobiq prezidenti Nikolya Sarkozi va bir qator qozog‘istonlik oligarxlar bo‘lgan.
Izoh (0)