Argentina sudi mamlakatning sobiq harbiylariga chiqarilgan hukmni e’lon qildi. Bu haqda “RIA Novosti” xabar bermoqda.
Harbiylar 1976—1983-yillardagi harbiy diktatura davrida amalga oshirilgan insoniyatga qarshi jinoyatlari uchun jazolandi.
Xususan, 29 ta umrbod qamoq jazosi chiqarildi. Ularga hukm etilganlar orasida mamlakat harbiy-dengiz kuchlari maktabidagi qamoqxona mahbuslariga nisbatan ommaviy repressiyalarda ayblanganlar bor.
5 yil davom etgan va 900 kishi guvoh sifatida chaqirilgan sud jarayonida sobiq harbiylarga nisbatan “o‘lim parvozlari”ni amalga oshirilganlik aybi ham qo‘yildi. Jumladan, 1977-yil dekabrida shunday parvozni bajargan va okeanga 10 dan ortiq kishini uloqtirgan samolyot uchuvchisiga umrbod qamoq jazosi berildi.
Izoh (0)