Европанинг Airbus компаниясида Қозоғистон билан боғлиқ текширув доирасида тафтиш ишлари ўтказилди, деб ёзади Kazakhstan Today.
Тинтув 2010 йилда вертолётлар ва сунъий йўлдошларнинг Қозоғистонга сотилиши ҳақидаги иш билан боғлиқ бўлган. Айни пайтда Францияда ушбу олди-сотди чоғида тўланган 8,8 миллион евро ноқонуний комиссия тўлови ҳақида тергов олиб борилмоқда. Концерн топ-менежерлари октябрда ушбу иш бўйича гувоҳлар сифатида сўроққа чақирилган эди.
Airbus билан шартнома тузиш чоғидаги коррупция ҳақидаги иш бўйича тергов Франция ҳуқуқ-тартибот органлари томонидан 2014 йилдан буён олиб борилмоқда. Терговчилар гумон қилишича, ноқонуний олди-сотди иштирокчилари Франция собиқ президенти Николя Саркози ва бир қатор қозоғистонлик олигархлар бўлган.
Изоҳ (0)