Bangladesh va Myanma Rakxayn shtatidagi zo‘ravonliklardan so‘ng Bangladesh lagerlarida bo‘lib turgan roxinja qochoqlarini vataniga qaytarish haqidagi kelishuvni imzoladi. Bu haqda “RIA Novosti” xabar bermoqda.
Manzilini tark etgan shaxslarni Rakxayn shtatiga qaytarish to‘g‘risida shartnoma Myanma poytaxti Neypyidoda Bangladesh tashqi ishlar vaziri Abulhasan Mahmud Ali va Myanma davlat maslahatchisi Aun San Su Ji o‘rtasidagi muzokaralar yakunlari bo‘yicha imzolandi.
“Bu birinchi qadam. Biz endi ishlarimizning ikkinchi bosqichiga kirishamiz”, — dedi Mahmud Ali.
Myanmaning Mizzima axborot portaliga ko‘ra, roxinja qochoqlarining Rakxayn shtatiga qaytishi ikki oy mobaynida boshlanishi mumkin.
Izoh (0)