Бангладеш ва Мьянма Ракхайн штатидаги зўравонликлардан сўнг Бангладеш лагерларида бўлиб турган рохинжа қочоқларини ватанига қайтариш ҳақидаги келишувни имзолади. Бу ҳақда «РИА Новости» хабар бермоқда.
Манзилини тарк этган шахсларни Ракхайн штатига қайтариш тўғрисида шартнома Мьянма пойтахти Нейпйидода Бангладеш ташқи ишлар вазири Абулҳасан Маҳмуд Али ва Мьянма давлат маслаҳатчиси Аун Сан Су Жи ўртасидаги музокаралар якунлари бўйича имзоланди.
«Бу биринчи қадам. Биз энди ишларимизнинг иккинчи босқичига киришамиз», — деди Маҳмуд Али.
Мьянманинг Mizzima ахборот порталига кўра, рохинжа қочоқларининг Ракхайн штатига қайтиши икки ой мобайнида бошланиши мумкин.
Изоҳ (0)