“O‘zbekiston havo yo‘llari” milliy aviakompaniyasi O‘zbekiston milliy banki bilan birgalikda xalqaro bank kartalari orqali aviachiptalarni onlayn sotishni yo‘lga qo‘yish loyihasini yakunladi. Bu haqda “Gazeta.uz” xabar bermoqda.
Kompaniya matbuot xizmatiga ko‘ra, 10-noyabrdan boshlab aviachipta uchun Visa kartalari orqali pul to‘lash mumkin. Loyihaning keyingi bosqichi MasterCard, American Express va boshqa kartalardan foydalanish imkonini beradigan to‘lov tizimlarining jalb etilishini nazarda tutadi.
“O‘zbekiston havo yo‘llari” UzCard bank kartalari orqali chiptalarni onlayn xarid qilish imkoniyatini mahalliy yo‘nalishlar uchun 2016-yil 5-yanvaridan, xalqaro yo‘nalishlar uchun esa o‘sha yilning 18-oktabridan ochgan edi.
Izoh (0)