Odilxon Rustamov Toshkent viloyati hokimining sanoatni rivojlantirish, iqtisodiyot va tadbirkorlik masalalari bo‘yicha birinchi o‘rinbosari etib tayinlandi. UZ24 xabariga ko‘ra, Rustamovga qadar bu lavozimda Mahmud Abdurahmonov ishlagan.
Odilxon Rustamov 2001—2005-yillarda Toshkent shahar Chilonzor, Uchtepa tumanlari davlat soliq inspeksiyalariga rahbarlik qilgan.
2005—2009-yillarda Toshkent shahar davlat soliq boshqarmasi boshlig‘i o‘rinbosari, Xorazm va Jizzax viloyati davlat soliq boshqarmalari boshlig‘i lavozimlarida ishlagan.
Odilxon Rustamov 2009-yil martidan 2016-yil martiga qadar Davlat soliq qo‘mitasi raisi o‘rinbosari lavozimida ishlagan. 2016—2017-yillarda “O‘zbekoziqovqatxolding” xolding kompaniyasiga raislik qilgan.
U 2017-iyulidan Toshkent shahrining Shayxontohur tumaniga hokimlik qilayotgan edi.
Izoh (0)