FQB partiyaning hududlar bo‘yicha sobiq siyosiy texnologi Pol Manafort ustidan qochoq prezident Viktor Yanukovich uchun noqonuniy pullarni legallashtirish masalasi bo‘yicha tergov boshladi. Bu haqda Buzzfeed’ga tayanib, “Korrespondent.net” xabar berdi.
Tergov ushbu mablag‘lar ofshor hisoblar orqali AQShga kelib qolgan bo‘lishi mumkinligini o‘rganishni boshladi.
“Huquq-tartibot xodimlari ushbu tranzaksiyalarga 2012-yildayoq, Manafort soliq organlaridan pulni berkitganligi yoki korrupsion bitimlar orqali o‘g‘irlangan noqonuniy millionlarni legallashtirib, Rossiya prezidenti Vladimir Putinga yaqin bo‘lgan Yanukovichning rejimiga yordam berganini aniqlash maqsadida bank o‘tkazmalarini o‘rganishni boshlaganida e’tibor qaratgan”, — deya qayd etiladi nashrda.
Ta’kidlanishicha, pul o‘tkazmalari birinchi bor AQSh moliya muassasalari tomonidan aniqlangan, ular qonun bo‘yicha o‘zlari shubhali deya hisoblagan har qanday bitimlar borasida g‘aznachilik bo‘limiga xabar berishlari kerak. Federal qonunga ko‘ra, moliyaviy tashkilotlar bir kunda 10 ming dollardan ortiq mablag‘li tranzaksiyalarni amalga oshirganlarida (qonuniy amalga oshirilgan bo‘lsa ham) ham g‘azna operatsiyalari bo‘yicha hisobot berishlari kerak. Shuningdek, banklar pul “yuvish” yoki boshqa moliyaviy jinoyatlar borasida shubha tug‘ilganida ham hisobot berishlari lozim.
Rasmiylarning so‘zlariga ko‘ra, bankda Manafortga bog‘liq bo‘lgan beshta ofshor kompaniyalari orasida shubhali operatsiyalar qayd etilgan: Global Endeavor Inc., Lucicle Consultants Ltd va yana uchta kompaniya.
Huquq-tartibot organlaridagi manbalarning ma’lum qilishicha, kompaniyalar pullarni kelib chiqishi va manzilini tushuntirmasdan jo‘natishgan. Ushbu operatsiyalar o‘tkazilgan davlatlar, jumladan, Kipr, Sent-Vinsent va Grenadini kabi karib davlatlari pullarni “yuvish”da qatnashadigan ofshor hududlar sifatida mashhur.
Izoh (0)