Shimoliy Koreya bir nechta yo‘ldoshlarini orbitaga chiqarishni rejalashtirmoqda. Bu haqda “Korrespondent.net” xabar bermoqda.
Qayd etilishicha, Pxenyan o‘zining besh yillik kosmik dasturiga muvofiq bir nechta, jumladan statsionar yo‘ldoshlarini uchiradi.
KXDR o‘z rejasini bu harakat “odamlar hayotini yaxshilashi” bilan izohlamoqda.
“Ayrim mamlakatlar bizga qo‘llanilgan sanksiyalar bo‘yicha BMT rezolyutsiyalarini manipulyatsiya qildi va KXDRning kosmik dasturiga xalaqit berdi. Bu esa yo‘l qo‘yib bo‘lmaydigan harakat”, — deyiladi xabarda.
Pxenyan shuningdek, boshqa suveren davlatlar singari kosmik dasturni rivojlantirish huquqiga ega ekanligini ta’kidlamoqda.
O‘z navbatida, mutaxasislar KXDR tomonidan rejalashtirilgan yo‘ldosh uchirilishi ballistik raketalarning navbatdagi yashirin sinovi bo‘lishi mumkinligini taxmin qilmoqda.
Izoh (0)