ФҚБ партиянинг ҳудудлар бўйича собиқ сиёсий технологи Пол Манафорт устидан қочоқ президент Виктор Янукович учун ноқонуний пулларни легаллаштириш масаласи бўйича тергов бошлади. Бу ҳақда Buzzfeed’га таяниб, «Корреспондент.net» хабар берди.
Тергов ушбу маблағлар офшор ҳисоблар орқали АҚШга келиб қолган бўлиши мумкинлигини ўрганишни бошлади.
«Ҳуқуқ-тартибот ходимлари ушбу транзакцияларга 2012 йилдаёқ, Манафорт солиқ органларидан пулни беркитганлиги ёки коррупцион битимлар орқали ўғирланган ноқонуний миллионларни легаллаштириб, Россия президенти Владимир Путинга яқин бўлган Януковичнинг режимига ёрдам берганини аниқлаш мақсадида банк ўтказмаларини ўрганишни бошлаганида эътибор қаратган», — дея қайд этилади нашрда.
Таъкидланишича, пул ўтказмалари биринчи бор АҚШ молия муассасалари томонидан аниқланган, улар қонун бўйича ўзлари шубҳали дея ҳисоблаган ҳар қандай битимлар борасида ғазначилик бўлимига хабар беришлари керак. Федерал қонунга кўра, молиявий ташкилотлар бир кунда 10 минг доллардан ортиқ маблағли транзакцияларни амалга оширганларида (қонуний амалга оширилган бўлса ҳам) ҳам ғазна операциялари бўйича ҳисобот беришлари керак. Шунингдек, банклар пул «ювиш» ёки бошқа молиявий жиноятлар борасида шубҳа туғилганида ҳам ҳисобот беришлари лозим.
Расмийларнинг сўзларига кўра, банкда Манафортга боғлиқ бўлган бешта офшор компаниялари орасида шубҳали операциялар қайд этилган: Global Endeavor Inc., Lucicle Consultants Ltd ва яна учта компания.
Ҳуқуқ-тартибот органларидаги манбаларнинг маълум қилишича, компаниялар пулларни келиб чиқиши ва манзилини тушунтирмасдан жўнатишган. Ушбу операциялар ўтказилган давлатлар, жумладан, Кипр, Сент-Винсент ва Гренадини каби кариб давлатлари пулларни «ювиш»да қатнашадиган офшор ҳудудлар сифатида машҳур.
Изоҳ (0)