AQSh prezidenti Donald Tramp tamaki chekmasligi va alkogol ichmasligi sabablariga izoh berdi. Bu haqda Forum Daily ma’lum qildi.
Trampga ko‘ra, bunga akasi Fredning ichkilikbozligi va erta o‘limi sabab bo‘lgan.
“Fred ismli akam bor edi. Ajoyib, chiroyli yigit, mendan ancha yaxshi shaxs. Biroq u alkogol bilan bog‘liq muammoga duch keldi. U menga ‘ichkilikni og‘zingga olma’ degandi. U mendan ancha katta edi, qolaversa, gapini olar, hurmat qilardim”, — dedi Tramp.
Fred Tramp hayotining katta qismini alkogolizm bilan kurashga sarfladi va 1981-yilda 43 yoshida vafot etdi.
Donald Tramp akasining qisqa hayotini narkotiklar to‘g‘risidagi qonunga yanada qattiq rioya etish uchun dalil sifatida keltirdi. Eslatib o‘tamiz, u narkotiklar, jumladan, opiatlar tarqalishi bilan bog‘liq vaziyat tufayli mamlakatda favqulodda holat e’lon qilishini bildirdi.
Izoh (0)